Nýtt tengivirki á Akranesi

Framkvæmdum við nýtt tengivirki Veitna og Landsnets á Akranesi lauk vorið 2016 og var það tekið formlega í notkun við athöfn 18. janúar. Við þetta tilefni ávarpaði Þórdís Kolbrún Reykfjörð Gylfadóttir, ferðamála-, iðnaðar- og nýsköpunarráðherra, gesti.

Nýja tengivirkið á Akranesi er staðsett við Smiðjuvelli 24 en gamla tengivirkið var á svæði sem nú hefur verið skipulagt sem íbúðarhverfi.

Orkuvirki framleiddi  12 kV rofabúnaðinn og 110 VDC búnaðinn ásamt uppsetningum og prófunum.  Einnig sá Orkuvirki um stjórnkerfi og samskiptagátt til stjórnstöðvar Veitna.