Orkuvirki leggur áherslu á fagmennsku, áreiðanleika og samfélagslega ábyrgð í allri starfsemi sinni. Fyrirtækið stefnir að því að vera traustur samstarfsaðili, fyrirmyndar vinnustaður og virkur þátttakandi í sjálfbærri þróun. Í því felst skýr skuldbinding til að tryggja gæði, vernda umhverfið, stuðla að öryggi, standa vörð um jafnrétti og hlúa að mannauðinum. 

Stefnan byggir á virku stjórnkerfi, sem vottað er samkvæmt ISO 9001:2015, ISO 14001:2015, ISO 45001:2018 og ÍST 85:2012, og er undirstaða alls skipulags og ákvarðanatöku hjá Orkuvirki. Fyrirtækið skuldbindur sig til að starfa í samræmi við kröfur staðlanna og þau lög og reglur sem um starfsemina gilda og stuðla að stöðugum umbótum í starfsemi sinni.

1. Gæði og fagmennska

Orkuvirki vinnur markvisst að því að:

· Uppfylla og fara fram úr væntingum viðskiptavina með hagkvæmum og vönduðum tæknilausnum.

· Tryggja stöðugar umbætur í þjónustu, verklagi og innra skipulagi.

· Starfa samkvæmt virku ISO 9001:2015 gæðastjórnunarkerfi sem byggist á stöðugum umbótum.

2. Umhverfi og sjálfbærni

Orkuvirki hefur umhverfisvernd að leiðarljósi í allri sinni starfsemi og skuldbindur sig til að:

· Draga úr umhverfisáhrifum með hagkvæmri nýtingu auðlinda, endurnýtingu og ábyrgri förgun úrgangs og spilliefna.

· Taka mið af náttúruvernd og lífríki við alla hönnun og framkvæmd verkefna.

· Starfa í samræmi við lög og reglur og viðhalda vottun samkvæmt ISO 14001:2015 með áherslu á stöðugar umbætur.

3. Öryggi, heilsa og vinnuvernd

Orkuvirki leggur áherslu á öryggi og vellíðan allra sem starfa á vegum fyrirtækisins. Skuldbindingin felur í sér að:

· Tryggja öruggt og heilsusamlegt vinnuumhverfi þar sem slysa- og heilsufarsáhætta er lágmörkuð.

· Koma í veg fyrir einelti, áreitni og ofbeldi með skýrum viðbragðsferlum.

· Tryggja samráð við öryggistrúnaðarmenn við rýni og umbætur á sviði öryggismála. 

· Veita fræðslu og þjálfun sem styður við öryggismenningu og ábyrgð starfsmanna.

· Fylgja lögum og kröfum viðskiptavina og viðhalda vottun samkvæmt ISO 45001:2018.

4. Mannauður og starfsumhverfi

Orkuvirki lítur á mannauðinn sem einn mikilvægasta þátt árangurs og skuldbindur sig til að:

· Skapa öruggt og eftirsóknarvert starfsumhverfi þar sem traust, virðing og jafnræði ríkir.

· Stuðla að góðum starfsanda og sveigjanleika milli vinnu og fjölskyldulífs.

· Hvetja til stöðugrar þróunar, símenntunar og þekkingaröflunar.

· Styðja við félags- og heilsueflandi starf fyrir starfsfólk.

· Greiða jöfn laun fyrir jafnverðmæt störf óháð kyni, aldri eða öðrum ómálefnalegum sjónarmiðum.

· Starfa eftir jafnlaunakerfi samkvæmt ÍST 85:2012 og framkvæma reglulega launagreiningar og kynna niðurstöður fyrir starfsfólki.

· Bregðast við launamun með úrbótum og halda jafnlaunastefnu sýnilegri og aðgengilegri öllum.

· Virða ákvæði laga nr. 150/2020 og stuðla að raunverulegu jafnrétti í launum og starfsumhverfi.

Ábyrgð og framkvæmd

Framkvæmdastjóri ber æðstu ábyrð á þessari stefnu en stjórnendur bera allir ábyrgð á að stefnan sé innleidd, viðhaldin og endurskoðuð reglulega. Hún er grundvöllur stefnumótunar, daglegra ákvarðana og samráðs við starfsfólk, viðskiptavini og samfélagið í heild. Stefnan endurspeglar langtímasýn Orkuvirkis og er leiðarljós í átt að ábyrgum, öruggum og sjálfbærum rekstri til framtíðar.